ಸಮಯವೂ ಹಣಕ್ಕಿಂತಲೂ ಶ್ರೇಷ್ಠ ಎನ್ನುವವರುಂಟು.ಆಲೋಚಿಸಿ ನೋಡಿದರೆ ಎರಡೂ ಶ್ರೇಷ್ಠ. ಸಮಯವನ್ನುಸದುಪಯೋಗಪಡಿಸಿಕೊಂಡರೆ ಹಣ ಗಳಿಸಬಹುದು. ಹಣವನ್ನು ಸದುಪಯೋಗಪಡಿಸಿಕೊಂಡರೆ ಸಮಯ ಮಿಗಿಸಬಹುದು.ಆದರೆಸದುಪಯೋಗಪಡಿಸಿಕೊಳ್ಳುವ ಬುದ್ಧಿಬೇಕು ಅಷ್ಟೆ
ಹಗಲುಗನಸು ಕಾಣುತ್ತ ಆಕಾಶಗೋಪುರ ಕಟ್ಟುವವರ ಸಮಯ ನಿರರ್ಥಕ . ಸದ್ಬಾವನೆಗಳನ್ನು ತಾಳುತ್ತ ಸುಸಂಬದ್ಧವಾಗಿಆಲೋಚಿಸುವವರ ಸಮಯ ಸಾರ್ಥಕ.
ಒಂದೇ ಸಮನೆ ಹರಟೆ ಹೊಡೆಯುವವರ ಸಮಯ ನಿರರ್ಥಕ.ಉಪಯುಕ್ತ ಮಾತುಕತೆಗಳಲ್ಲಿ ತೊಡಗುವವರ ಸಮಯಸಾರ್ಥಕ.
ಜೂಜು -ಜುಗಾರಿ ,ಇಸ್ಪೀಟು-ಲಾಟರಿ ಇವುಗಳಿಗೆ ಬಲಿಬಿದ್ದವರ ಸಮಯ ನಿರರ್ಥಕ. ಉಪಯುಕ್ತ ಕಾರ್ಯಗಳಲ್ಲಿ ನಿರತರಾದವರ ಸಮಯ ಸಾರ್ಥಕ.
ಬುದ್ಧಿ ಚುರುಕಿಲ್ಲದವರ , ವಿಲಾಸದಲ್ಲಿ ಮೈ ಮರೆಯುವವರ ,ಕಾಯಿಲೆಗಳಿಗೆ ಈಡಾದವರ ,ಕೋರ್ಟು ಕಛೇರಿ ತಿರುಗುವವರಸಮಯವೆಲ್ಲ ಇಳಿಜಾರಿನಲ್ಲಿ ಹರಿದುಹೋಗುವ ನೀರಿನಂತೆ ಕಳೆದು ಹೋಗುತ್ತದೆ.
ಹಣ ಕಳೆದುಹೋದರೆ ಬಾಯ್ಬಾಯಿ ಬಡಿದುಕೊಳ್ಳುವವರೇ ಎಲ್ಲ.ಸಮಯ ನಷ್ಟವಾಯಿತೆಂದು ದು:ಖಿಸುವವನುಸಾವಿರಕ್ಕೊಬ್ಬನು ಇಲ್ಲ!
ಸಮಯ ಬೇಕೆಂಬವರು ತಾವು ಮಾಡುವ ಪ್ರತಿಯೊಂದು ಕೆಲಸವನ್ನೂ ಸ್ವಲ್ಪ ಬೇಗ ಮಾಡಿ ಮುಗಿಸಲೆತ್ನಿಸಿ ಸಮಯ-ಮಿಗಿಸಬೇಕು. ಎಂಟು ಗಂಟೆ ನಿದ್ರೆ ಮಾಡುವ ಬದಲು ಏಳೇ ಗಂಟೆ ನಿದ್ರೆ ಮಾಡುವುದರ ಮೂಲಕ , ಇಪ್ಪತ್ತು ನಿಮಿಷ ಕುಳಿತು ಊಟಮಾಡುವವರು ಹದಿನೈದೇ ನಿಮಿಷಕ್ಕೆ ಏಳುವುದರ ಮೂಲಕ , ಸ್ನಾನಕ್ಕೆ ಇಪ್ಪತ್ತು ನಿಮಿಷ ಹಿಡಿಯುತ್ತಿದ್ದರೆ ಹತ್ತೇ ನಿಮಿಷದಲ್ಲಿ ಮಾಡಿಮುಗುಸುವುದರ ಮೂಲಕ ಸಮಯ ಮಿಗಿಸಬಹುದು . ಆದರೆ ಮಿಗಿಸಿದ ಸಮಯವನ್ನು ಸದುಪಯೋಗಪಡಿಸಿಕೊಳ್ಳುವುದು ಹೇಗೆಎನ್ನುವುದು ಮಾತ್ರ ತಿಳಿದಿರಬೇಕು.
ಶುಭದಿನದ ಶುಭಾಶಯಗಳೊಂದಿಗೆ ನಿಮ್ಮ ಆತ್ಮೀಯ ನೆಟ್ ನಾಗ.
ಎ.ಟಿ.ನಾಗರಾಜ
ಡಬ್ಲ್ಯು ಡಬ್ಲ್ಯು ಡಬ್ಲ್ಯು ಸನ್ನ್ಯಾಚುರಲ್ ಫ್ಲಾಶ್.ಕಂ/
+೯೧-9632172486
ಮಂಗಳವಾರ, ಜೂನ್ 22, 2010
ಇದಕ್ಕೆ ಸಬ್ಸ್ಕ್ರೈಬ್ ಆಗಿ:
ಕಾಮೆಂಟ್ಗಳನ್ನು ಪೋಸ್ಟ್ ಮಾಡಿ (Atom)
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ