ಎಷ್ಟೋ ಸಲ ಸಮಯವನ್ನು ವ್ಯರ್ಥವಾಗಿ ಕಳೆಯಲೇ ಬೇಕಾದ ಸಂದರ್ಭಗಳು ಬರುವುದೂ ಉಂಟು . ಉದಾಹರಣೆಗೆ ಪ್ರಯಾಣಕಾಲ,ಕ್ಯೂಗಳಲ್ಲಿ ನಿಂತಿದ್ದಾಗ , ಯಾರಿಗಾದರೂ ಕಾಯುವಾಗ, ಶಾಲಾ ಕಾಲೇಜಿನಲ್ಲಿ ,'ಲೆಟ್ ಆಪ್'ಕೊಟ್ಟಾಗ ಇತ್ಯಾದಿ .
ಬಸ್ಸು-ರೈಲುಗಳಲ್ಲಿ ದೂರದ ಊರಿಗೆ ಪ್ರಯಾಣ ಮಾಡುವಾಗ ಉಪಾಯವಾಗಿ ಕಿಟಕಿಯ ಪಕ್ಕದಲ್ಲಿ ಜಾಗ ಮಾಡಿಕೊಂಡರೆದಾರಿಯುದ್ದಕ್ಕೂ ಕಾಣಸಿಗುವ ವಿಭಿನ್ನ ವಿಚಿತ್ರ ನಿಸರ್ಗ ಸೌಂದರ್ಯವನ್ನು ವೀಕ್ಷಿಸುತ್ತಾ ಆಸ್ವಾದಿಸಬಹುದು.ವ್ಯಕ್ತಿ ಆಧ್ಯಾತ್ಮಿಕಮನೋಭಾವದವರಾದರೆ ಭಗವನ್ನಾಮ ಜಪವನ್ನೋ ಪಾರಯಣವನ್ನೂ ಮಾಡಬಹುದು.ಇನ್ನು ಕೆಲವರು ನಿದ್ರೆ ಹೊಡೆಯುವವರುಇದ್ದಾರೆ .ಅವರ ಪಾಲಿಗೆ ಅದೇ ಸಮಯದ ಸದುಪಯೋಗ ! ವಿಮಾನ ಪ್ರಯಾಣಿಕರಿಗೆ ಪ್ರಕೃತಿ ಸೌಂದರ್ಯವನ್ನು ವೀಕ್ಷಿಸುವ ಭಾಗ್ಯವಿಲ್ಲ. ಅವರಿಗೆ ಪುಸ್ತಕ ಓದುವ ಅಭ್ಯಾಸವಿದ್ದರೆ ಒಳ್ಳೆಯದು.
ಕ್ಯೂಗಳಲ್ಲಿ ನಿಂತಿರುವಾಗ ಜೊತೆಯಲ್ಲಿ ನಿಂತಿರುವವರು ಸಮಾನ ಮನಸ್ಕರಾದರೆ ಅವರೊಂದಿಗೆ ಉಪಯುಕ್ತ ಸಂಭಾಷಣೆಯಲ್ಲಿ ತೊಡಗಬಹುದು ಅಥವಾ ಓದಿ ತಿಳಿದ ಒಂದೆರಡು ಉದಾತ್ತ ವಿಚಾರಗಳನ್ನು ನೆನಪಿಗೆ ತಂದುಕೊಂಡು ಮೆಲಕು ಹಾಕಬಹುದು. ಇಲ್ಲವೇ ನೆನಪಿರುವ ಕೆಲವು ಶ್ಲೋಕಗಳ ಮೇಲೆ ಮನನ ಮಾಡಬಹುದು. ಕೆಲವೊಮ್ಮೆ ಯಾರಿಗಾದರೂ ಕಾಯುತ್ತ ಕುಳಿತು ಕೊಳ್ಳುವಸಂದರ್ಭ ಬರುವುದುಂಟು.ಆಗ ಕಾಯುವವರ ಮನಸ್ಸಿನಲ್ಲಿ 'ಅವರು ಯಾಕಿನ್ನು ಬರಲಿಲ್ಲ?'-ಎಂಬ ಕಾತರತೆ ಆರಂಭವಾಗುತ್ತದೆ.ಆದರೆ ಈ ಕಾತರೆಯಿಂದೇನು ಪ್ರಯೋಜನವಿಲ್ಲ. ಏಕೆಂದರೆ, ನಾವು ಕಾತರಗೊಂಡೆವೆಂದು ಅವರೇನೂ ಬೇಗಬರುವುದಿಲ್ಲ. ಅಲ್ಲದೆ , ಅವರು ತಡವಾಗುವುದಕ್ಕೆ ಏನಾದರು ಕಾರಣವಿದ್ದರೂ ಇರಬಹುದು; ಅಥವಾ ಕಾರಣಾಂತರಗಳಿಂದ ಅವರುಅಂದು ಬರದೆಯೇ ಹೋಗಬಹುದು , ಆಗ ಸಮಯ ನಷ್ಟವಾಯಿತೆ! .ನಾವು ಸುಮ್ಮನೆ ಕಾತರ ಪಟ್ಟದ್ದೆಲ್ಲ ವ್ಯರ್ಥವಾಯಿತೆ! ಕಾಯುವುದೇನು ತಪ್ಪುವುದಿಲ್ಲವಾದ್ದರಿಂದ ಕಾಯೋಣ; ಕಾತರಗೊಳ್ಳದೆ ಮತ್ತು ಕಾಲ ವ್ಯರ್ಥವಾಗದಂತೆ ಏನಾದರೊಂದುಕಾರ್ಯದಲ್ಲಿ ನಿರತರಾಗಿರೋಣ!
ಶುಭದಿನದ ಶುಭಾಶಯಗಳೊಂದಿಗೆ ನೆಟ್ ನಾಗ
ಎ.ಟಿ.ನಾಗರಾಜ
ಡಬ್ಲ್ಯು ಡಬ್ಲ್ಯು ಡಬ್ಲ್ಯು ಸನ್ ನ್ಯಾಚುರಲ್ ಫ್ಲಾಶ್.ಕಂ/
+೯೧-೯೬೩೨೧೭೨೪೮೬
...............................................................................................................................................................................
ನಿರೀಕ್ಷಿಸಿ !
ಬದುಕು
ಬದಲಾಗಲು
ಕ್ಷಣ ಹೊತ್ತು
ಸಾಕು!
ನೆಟ್ ನಾಗದಲ್ಲಿ ಶೀಘ್ರದಲ್ಲಿ ಪ್ರಾರಂಭ. ಇದು ಸನ್ ನ್ಯಾಚುರಲ್ ಫ್ಲಾಶ್ ಪ್ರಕಟಪಡಿಸುತ್ತದೆ
ಇದಕ್ಕೆ ಸಬ್ಸ್ಕ್ರೈಬ್ ಆಗಿ:
ಕಾಮೆಂಟ್ಗಳನ್ನು ಪೋಸ್ಟ್ ಮಾಡಿ (Atom)
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ